مصباح علاء الدين
كان يا ما كان فى هذ العصر والاوان ثلاث شبان وفتاه اسمها ايمان ،ووالدان اب غلبان وام من سالف العصر والاوان
وفى هذا الزمان زادت المشكلات والكل بيلعب التلت ورقات،الكبير على طول فى نزاعات وكل مايزيد العيار يروح يقعد فى بيت والده،ومشكلته بقت زى الليل والنهار
واخوه الصغير وليد بيذاكر تراث الجيل وينزل يجيب العيش من الطوابير
والاخت ياولداه مش لاقيه عرسان ، حتى ابن الجيران من غير اذان،مش شايفها وهيه ما تتشفش لاها سايقه الجنان،وكل يوم بشكل ولون على حسب اللعب فى راسها اللى شغال
وبطلنا عامل زى فارس الرويات بيدور على الكنز ،والكنز فى قصتنا شغله وفلوس وجواز واستقرار ومستقبل،وده فى الزمان ده زى الاساطير،ومحتاج السحره والمشعوذين
يعنى بصراحه عيله زى بقيت العيلات المصريه عايزه مصباح علاء الدين او خاتم سليمان ،

فى البيت ( بيت متواضع كاغلب بيوت المصريين)
مدحت
فين بابا
الام
عند الميكانيكى بيصلح العربيه
مدحت
خلاص اروح مواصلات ،
الام
رايح فين
مدحت
رايح اشوف التعيين فى الكليه
الام
فى امان الله ربنا يوفقك

فى الشارع
مدحت
رايح الكليه ، هاتعين فيها
مصطفى
هتتعين ايه
مدحت
معيد
مصطفى
معيد ازاى يعنى هتعيد السنه
مدحت
يخرب بيتك ، يعنى مدرس يدرس للطلبه
مصطفى
يعنى انت دخلت كلية الهندسه عشان تدرس ابتدائى
مدحت
اسكت اسكت

امام بيت الجيران
ايمان
ايوه ازيك ، طنط موجودة ،
ابن الجيران
لأ
ايمان
طب ممكن شوية ملح
ابن الجيران
ملح لا مفيش
ايمان
طب فلفل
ابن الجيران
مفيش
ايمان
طيب ايه اللى عندك ممكن نستلفه
ينظر لها باشمئزاز
ايمان
عموما لما طنط تيجى ابقى اقولهل على الحاجه اللى عندها ومش عندنا على اساس انى استلفها ، لانها اكيد هنكون محتاجنها
ابن الجيران
ايه بتقولى ايه
ايمان
لا ولا حاجه
وهى نازله على السلم
ايمان
ده ولا كانه شايفنى خالص
فى الكليه
مدحت
سلامو عليكم
موظف
ايوه
مدحت
لو سمحت عايز اسأل على تعيين المعيدين السنه ديه
موظف
لا يا بنى المعيدين اتاخدو خلاص
مدحت
اتاخدو ازاى اتخطفوا يعنى
موظف
اه اتخطفوا ياللا مش فاضيين
مدحت
طيب ممكن يطلب
موظف
لأ خلاص

فى البيت فى يوم اخر
الاخ الكبير
اعملها ايه ؟ مجنونه
الام
على طول كده خناقات مع مراتك
الاخ الكبير
انسانه غريبه
الام
ولا يهمك سيبك منها ، خش استريح جوه
الاب
انت رايح فين يا مدحت
مدحت
رايح مكتب هندسى اصحابه الدكاتره اللى كانوا بيدرسولى فى الكليه
الاب
قلى اسمه ايه عشان اكلملك عبد الفتاح بيه
مدحت
مين عبد الفتاح بيه
الاب
مش عارف ده يظهر كان صاحبى فى المدرسه زمان ، بس هوه واصل قوى
مدحت
يظهر يابابا ! عموما هوه مكتب الدكتور عزت
الاب
طب استنى انا نازل اوصلك

فى الشارع
مدحت
يا بابا العربيه ديه بقى لنا 15 سنه بنزقها
الاب
بس اصيله
مدحت
اصيله فين دى عمرها ما سترتنا ، بابا هوه انت عاملها على ايدك
الاب
لأ دى عربيه عظيمه ، اتسرقت ونزلت مصر ايام الحرب العالميه التانيه
مدحت
صح يابابا يبقى عندك حق ، عربية حروب
الاب
ياللا زق زق وما ترغيش كتير

مكتب دكتور الهندسه
صديق
كل ماكلم دكتور عليك ما يوافقش
مدحت
دنا اشطر من كل فى مكتبكم ده فى التصميم
صديق
هما قرايب الدكاتره ما انت عارف
مدحت
ايوه بس علاقتى كويسه بيهم
صديق
بس دمك تقيل الدكاتتره ما بيحبكش
مدحت
ما بيحبونيش ازاى امال مدينى نمر عاليه ليه
صديق
عشان القسم بتاعنا فيه 1+1 يساوى اثنين ولو عليهم كانوا سقطوك
مدحت
اد كده انا غلس
صديق
ايوه غلس وحمار
مدحت
ايه
صديق
لأ ابدا مفيش حاجه ، بص اميره جايه اهيه
اميرة
هاى ازيك يامدحت عامل ايه
مدحت
الحمد لله
اميرة
انت جاى تشتغل هنا
مدحت
ايوه
اميرة
مش ممكن اصل المكان ده مش اى حد يشتغل فيه ، انكل محسن قالى كده
مدحت
انكل محسن قالك كده ، وانا ايه مشكلتى ، فاكره لما كنت بغشششك مسائل التصميم
اميرة
آه فاكره مرسى جدا ، ماتزعلش انا ممكن اخلى انكل محسن يشغلك فى مكان تانى
مدحت
لا تانى ولاتالت ، انا ماشى ، عالم معندهاش دم ، اقولها فاكرة لما كنت بغششك ، تقولى اه فاكره مرسى

يدخل مدحت البيت وهو حزين ويجد اخته حزينه هى الاخرى
مدحت
مالك يا ايمان
ايمان
ابدا مفيش حاجه
مدحت
لأ انا عارف ، انتى زعلانه عشان الجواز
ايمان
مين اللى قال انى عايزه اجوز ، ولا فى دماغى خالص ولا بافكر ، دنا لو قلت يا جواز،،، هى هى هى هى دنا هامووووووووت اجوز
مدحت
وطى صوتك ها تفضحينا

فى البيت
الاب
انت رايح فين
مدحت
رايح مكتب سياحه هاشتغل هناك
الاب
قلى اسمه ايه عشان اكلملك عبد الفتاح بيه
مدحت
بلاش يا بابا نتعب عبد الفتاح بيه
الاب
لا تعب ولا حاجه ده حبيبى
مدحت
ماشى ، اسمه السماء الزرقاء للسياحه
الاب
انزل انت وانا جاى وراك اوصلك

على السلم
منى
صباح الخير
مدحت
يادى العذاب
منى
مخلتهاش ليه تكلملك انكل محسن
مدحت
انت ايش عرفك بالموضوع ، وبعدين دى بتتريأ
منى
غلط كنت جربت ، انت غلطان
مدحت
وانت مالك ، عارفه دمك تقيل على قلبى مش طايقك

فى الشارع
الاب
ياللا زق بزمه
مدحت
اكتر من كده وسطى هيتخلع

امام المتحف
مرشد 1
ايوه تعالى تعالى ناخدك ونفسحك وناخد فلوسكم
مرشد 2
انا مش عارف بنفرجهم على ايه ، ايه القرف ده
مرشد 1
سيبهم انا هاخدهم
مرشد 2
يا بنى دول تبعى
مرشد 3
هتخطف منى الزبون
المرشد الجاهل
زس از بيراميد خوفو كبير ، زس از
مرشد 2
ده خطف منى الزباين
السائق
يابنى شوف لابسه ايه ده ميرضيش ربنا يا مدحت يا بنى ده حرام

فى الشارع امام المتحف
مدحت
يا ابن الذين ومقعد دول معاك وتقولى حرام
مرشد 2
انا معايا لغات كتير ودارس الاثار ودماغ الناس
مدحت
انت دارس ايه
مرشد 2
طلعت من تالته ابتدائى
مدحت
وتالته ابتدائى بيدرسوا دماغ الناس

فى البيت مدحت امام النت
مدحت
ايه ده ده الشريط الجديد بتاع عمرو، اعمله داون لود ،،،، ايه ده مين دى افتح الرساله دي صاروخ
الام
يا بنى سيب التليفون عايزه اتكلم هيتخرب بيتنا فواتير (تصيح وهى فى المطبخ)
حاضر يا ماما (صائحا)
مدحت
انتى فعلا جميله جدا
الارمله
يعنى انت شايفنى جميله
مدحت
صورتك بتقول كده
الارمله
بس انا حاسه من كلامك ان انت انسان حساس ورومانسى وانا نفسى اشوفك
مدحت
وماله نتقابل فى الكوفى شوب
الارمله
اوكى

فى البيت
مدحت
ايه ده ايه الاحتشام ده كله
ايمان
اصلهم قلولى المحتشمات هما اللى بيعدو
مدحت
بيعدوا ايه
ايمان
بيعدوا الى بر الامان والسعاده
مدحت
الحقونى اختى شيعت ،
ايمان
رئيسى فى العمل قالى كده
مدحت
طبعا بر الامان والسعاده اللى فى دماغك الجواز
ابمان
معرفش ، سلامو عليكم

فى الفندق
المرشده
بص الفوج ده هييجى الساعه 2 فى الفندق المطوح 2 واخد بالك 2 2 2
مدحت
هيه سفت ولا ايه ايه اللى 22 2 2
المرشده
تعالى نقعد مع بعض بعيد عقبال ما ييجى الفوج
مدحت
لأ هنا كويس
المرشده
هنبقى لوحدنا
مدحت
لا هنا احسن
المرشده
يا ساتر دنتا قفل قوى
مدحت
قفل قفل
المرشده
طيب ما تيحى ازيت لك القفل جايز يفتح
مدحت
بعد اذنك رايح الحمام ،،،فى سره انا هاسيب الشغلانه ديه انا هابوظ

فى عمل ايمان
ايمان
صباح الخير يا استاذ صبحى
الريس
ايه ده فين الحريه فين الانوثه ،
ايمان
حريه ، انوثه ،
الريس
ايوه ، امال الست ست ازاى
ايمان
مش حضرتك قلت لى الحشمه بتوصل لبر الامان
الريس
بر امان ايه وبتاع ايه ، ورينى هتشتغلى ازاى وانت بالشكل ده
ايمان
كده يا استاذ صبحى

فى الكوفى شوب

يدخل مدحت ليرى امراة يبدو عليها السن تشاور له
الارمله
اتفضل يا مدحت
مدحت
انت اللى فى النت
الارمله
ايوه انا ارمله وعندك 45 سنه
مدحت
طب ازاى ومين اللى معاكى دول
الارمله
دول ولادى
مدحت
وليه مقلتليش ،
الارمله
يعنى مجتش مناسبه
مدحت
بس انت كبيره ومخلفه
الارمله
وانت كمان عيل قوى ، وشكلك هايف
مدحت
عيل طب انا ماشى
الارمله
حاسب على الطلبات الاول

امام بيت الجيران
ايمان
ايوه ازيك ، طنط موجودة ،
ابن الجيران
لأ
ايمان
احسن
ابن الجيران
ايه
ايمان
لا ابدا ممكن شوية طماطم
ابن الجيران
مفيش
ايمان
طب بصل
ابن الجيران
مفيش
ايمان
طيب ممكن ادخل اشوف بنفسى
ينظر لها باشمئزاز
ايمان
بلاش ادخل لحس انت لوحدك ويطلع عليك سمعه اواتحرش بيك تبقى مشكله
ابن الجيران
ايه بتقولى ايه
ايمان
لا ولا حاجه
وهى نازله على السلم
ايمان
ده هيجبلى مرض

فى البيت
الاخ الكبير
الله يخرب بيتها دى رهيبه
الام
سيبك منها ، اديك قاعد معانا
الاخ الكبير
هوه بابا فين
الام
عند الميكانيكى بيصلح العربيه
الاخ الكبير
ومدحت
الام
بره قال ايه ، الايام دى بيشتغل فى السياحه

فى الشارع
مصطفى
ايوه يا عم هتهيص بقى فى السفر والسياحه
مدحت
هاهيص ايه بس ده انا شكلى هانحرف
مصطفى
طب ما تنحرف ، ولا اقلك خدنى انا انحرف
مدحت
ولا انت فاهم حاجه

فى البيت
مدحت
ايه ده الجيبه قصيره قوى من امتى بتلبسى كده
ايمان
اصل انا عرفت ان الانوثه ديه بتخلى البنت تعدى ، الاستاذ صبحى قال كده
مدحت
تعدى ايه يخرب عقلك ، انت لسعتى ولا ايه
الام
يا بنتى اخوك خايف عليكى
مدحت
فين بابا ييجى يشوف البنت ديه
الام
عند الميكانيكى بيصلح العربيه

على السلم
منى
وتسيب السياحه عشان فيها ناس جاهله ولا عشان فى بنات مايعه وانت مالك متخليك انت كويس فى شغلك ، وبعدين انت مش بتدور على بنات فى النت
مدحت
انا مش عارف ازاى كل خطوه باعملها بتعرفيها كانك كنت معايا ، وبنات النت عشان هدف شريف
منى
وتتركه فتتعلق الجيب فى درابزين السلم ويكشف عن ساقيها
مدحت
ها ها ها خدى بالك من نفسك
منى
ادى اللى انت فالح فيه

فى الشغل
تمشى كفتاة عرض الازياء فتسقط على الارض وسط ضحكات
ايمان
شفت وقعت ازاى يا استاذ صبحى
الريس
احسن لان ده انحلال فساد ، انهيار ، هوه الفيديو كليب اللى ودانا فى داهيه
ايمان
جننتونى اتحشم يقولوا انوثه ، البس انوثه يقولولى انحلال ، اعمل ايه اتجنن
الريس
مضبوط ، هوه ده اللى احنا عايزينه

فى البيت
الاب
انت رايح فين
مدحت
رايح هاشتغل فى شركة مقاولات
الاب
طب قولى تفاصيلها عشان اكلملك عبد الفتاح بيه
مدحت
عبد الفتاح بيه ملوش فى المقاولات
الاب
طب استنى انا نازل اوصلك

فى الشارع
الاب
ياللا اركب مش هتزق النهارده
مدحت
الحمد لله
الاب
اهى وقفت تانى
مدحت
اكيد تعبت مشيت متر لوحدها

فى شركة المقاولات
صاحب العمل
تتوظف فى الشركه ?
مدحت
ماشى
صاحب العمل
اول مرتب هيكون 200جنيه
مدحت
مش مشكله اهو فى الاول بس

فى البيت
الام
ما تيجى نخطبلك منى
مدحت
منى مين ، لا لا انسى ، انسى ده اختى اللى باكرهها
الام
انا ملاحظه ان عينها عليك
مدحت
غلاسه وحشريه مش اكتر ،
الام
عموما شوف مستقبلك الاول

فى شغل ايمان
صديقه
شفتى كل واحده منهم معلقه شاب فى جيبها تجوزه
ايمان
دول كلهم بنات مايصه وفليلة الادب
صديقه
ميصى زيهم
ايمان
ميصى زيهم يعنى ابقى صايعه ، وبعدين ما شفتيش أ/ صبحى زعقلى ازاى لما الجيبه قصرت سم
صديقه
ملكيش دعوه بيه ده دماغه بايظه وبعدين هيه المياصه باللبس بس
ايمان
عندك حق

فى الموقع
زميل
ياللا نسرق ايوه قولى الطريق (مخاطبا رئيسه فى العمل)
مدحت
يا بنى اتلم
زميل
متخفش هنسرق كلنا مع بعض عادى ما فيهاش حاجه
مدحت
لا لا سلام انا ماشى
الريس
سيبك منه انا هاظبطك
زميل
مانتا هتؤش
الريس
وماله مش انا ريسك وبعدين مش هنظلمه شفت ده حتى شغله بايظ
زميل
اه بايظ بس اقلك ان احاول معاه تانى ، هينفعنا

فى البيت
الاب
انت رايح فين
مدحت
رايح فى بعثه عامله اعلان بعثه تعليميه وشغل فى اليابان وكل الشروط منطبقه عليا
الاب
طب قولى تفاصيلها عشان اكلملك عبد الفتاح بيه
مدحت
هوه عبد الفتاح بيه ده موروهوش غيرنا ، اسمها بعثة التعاون ونازله فى الاهرام
الاب
طب استنى انا نازل اوصلك

فى الشارع
مدحت
يا بابا العربيه ديه بقى لنا 15 سنه بنزقها
الاب
لأ 14 بس
مدحت
ايه يا بابا بتقول ايه بس
الاب
ياللا زق زق وما ترغيش كتير

فى وزارة التعاون الدولى
موظف
تعالى يابنى
مدحت
ايوه
موظف
انت عاوز ايه
مدحت
عايز اقدم فى البعثه اللى منشور عنها فى الجرنان
موظف
البعثه بعثة ايه آآآآآه البعثه

وينظر اليه فى استغراب
موظف
معقوله انت مركز ولا تعبان ولا حاجه اجيبلك لمون
مدحت
ليه فيه ايه
موظف
فيه ايه بعثه لعشرين واحد فى اليابان وتتعلم وتاخد ماجستير وممكن تشتغل هناك ومصروف جيب 7000دولار فى الشهر وتقولى فيه ايه
مدحت
يعنى اجرب حظى يمكن
موظف
يمكن ؟ يعنى انت متخيل كل الكبار بتوع الوزاره سابوها تفلت من تحت ايديهم
يمشى منهزما والموسيقى التصويريه تعزف
ياعينى يا عينى عينى عل الولد

فى الشارع تحت مبنى الوزاره
مصطفى
خلاص رحت اليابان
مدحت
يابان يابان ايه هوه طول مانت معايا هروح حتى السبتيه
مصطفى
وانت زعلان ليه انت مش شغال دلوقتى فى شركة
مدحت
شركة مش باقولك مانتاش فاهم حاجه
مصطفى
مش فاهم مش فاهم ، يعنى هما اللى فهموا عملوا ايه

فى الموقع
مدحت
بص دلوقتى معايا 120جنيه والشهر الجاى احط 200 واوفر تمن السندوتشات
زميل 2
يا اخى الخط اللى باركبه كل عربياته مبهدله
زميل 1
اركب المكيف
مدحت
لا المكيف غالى
تدخل سيارة جديدة تلمع وتتهادى داخل الموقع
مدحت
الله مش ده محمد ، دنا عارفه ده طول عمره معفن واهله مش لاقيين اللضى
ويتحرك مدحت ذاهبا اليه
مدحت
جبت العربيه ديه ازاى ياللا ، يخرب عقلك
زميل
ايه رايك عاوز زيها
مدحت
وليه لأ
زميل
،بص انت هتمضى على كميه زيادة عادى ، وبعدين تعتمد عادى وبعدين يصرفها المقاول عادى وبعدين يظبطك عادى
مدحت
ايوااااه وبعدين اخش السجن عادى
فى غرفة الريس
زميل
مش نافع معاه حاجه
الريس
انقلوه شغله بايظ
زميل
فعلا بايظ ، الله ينور ياريس

فى البيت
الاب
انت رايح فين
مدحت
رايح اجيب عصام صاحبى واحنا اطفال من المطار بقى عالم كبير هناك وجاى فى اجازة
الاب
اكلملك عبد الفتاح بيه
مدحت
لأ ما تكلموش لو كلمته الطياره هتقع
الاب
طب استنى انا نازل اوصلك
مدحت
بلاش عشان خاطرى

فى الشارع
مدحت
انا نفسى اتقطع
الاب
ياللا زق زق وما ترغيش كتير

فى القهوة مع صديقه القادم من استراليا
صاحبه
انا جاى من رحله استكشافيه للبحث عن سلاله مهددة بالانقراض فى استراليا
مدحت
كويس جدا انت جيت مصر عشان برده هتدور عن غذاء منقرض اسمه رغيف العيش
مدحت
ايه بقى رايك فى سلالة الحمير اللى ماشيه فى الشوارع
صاحبه
شكلهم حزين
مدحت
لأ اقصد اللى بتجر عربيات كارو
صاحبه
برضه زعلانين
صاحبه
ياه ما شاء الله الستات كلهم محترمات ومحتشمات ما شاء الله ما شاء الله
مدحت
كلهم محترمات ! طيب

يصطدم صاحبه باحدى السيدات فى الشارع
صاحبه
انا اسف مقصدش
السيده
متقصدش يا واطى يا زباله انا هاربيك وهانزل بالشبشب على دماغك
صاحبه
يا ست عيب
السيده
عيب دنا لسه هاقلع اللى ف رجلى وايلك بيه
مدحت
اجرى اجرى بسرعه ، قبل ما نتبهدل

فى الفندق
مدحت
تعالى نروح الفندق
صاحبه
هو بيلمحلك بايه
مدحت
لأ ده بيشاورلى على كام واحدة محترمه من بتوعك لو عايزها تجيلك الاوضه
صاحبه
ياه ده قمة الاحترام
مدحت
انت لسه شفت حاجه

فى البيت
الاب
انت رايح فين
مدحت
رايح اشتغل فى السينما ، فى مخرج صاحبى يعرفه وطالب وجوه جديدة
الاب
عبد الفتاح بيه غاوى سينما ممكن اكلمهولك
مدحت
متشكر يابابا
الاب
اسمع كلامى
مدحت
مالوش لزمه
الاب
طب استنى انا نازل اوصلك
مدحت
تانى

فى الشارع
مدحت
عارف يا بابا انا هاولع فى العربيه ديه
الاب
ياللا زق زق وما ترغيش كتير

فى الاستوديو
احد الافراد
خش يا خويا انت وهو
مدحت
هما بيعاملونا كده ليه انا راجل محترم
كومبارس
محترم وجاى تشتغل كومبارس
مدحت
انا باحب التمثيل
كومبارس
يس النجمه وصلت
مدحت
نجمة ايه
كومبارس
اه استنى استنى نشوف النجمه
مدحت
هيه ديه دي رقاصه دى حتى مبتعرفش ترقص
كومبارس
اسكت اسكت لحد يسمعك

فى الشارع
مصطفى
انا مش فاهم مهندس ويروح يشتغل ممثل
مدحت
ايه المشكله
مصطفى
مش عارف مش راكبه ،
مدحت
وانت مالك انت ، ايه اللى حشرك

على السلم
مدحت
اظن وصلتك الاخبار وهتقولى مالك ومال التمثيل زى الواد مصطفى
منى
بالعكس جايز عندك موهبه وقبول مفيهاش حاجه ، قولى يا مدحت هوه انت دماغك مش فيك
مدحت
يا بنتى انا مهندس ، عارفه يعن ايه مهندس
منى
بص يا بنى انتو بالذات اغلب اللى بيتخرجو من الكليه عندكم منشيين ومتنحيين الدراسه فى الكليه بتجيبلوهم تخلف
مدحت
المهندس ده اذكى دماغ ، روحى شايفه دراستكم انتو ودماغكو الفاضيه
منى
بص يا بنى اولا اللى بيخش الكليه بيخش عشان المجموع ومش شرط اللى يجيب اكتر يبقى اذكى، دى اول حاجه الحاجه التانيه الدنيا مليانه اتجاهات
منى
اللى دماغه ماشيه اتجاه واحد يبقى مش ذكى يبقى مركز فى حاجه واحده بس ، والحياه مليانه اتجاهات
مدحت
اتجاهات اتجاهات انتى هتنظمى المرور

فى البيت
الاب
لا يمكن لا يمكن لازم تجوز الاول ويبكى نفسى اخلص منها بقى
الام
هو ايه لا يمكن لا يمكن هوه كان حد اقلك ان فى حد من ولادك هيجوز ، واحد مهرى يدور على مستقبل والتانى لسه عيل
الاب
اه صحيح ويبكى ، وابنى اللى علطول متخانق مع مراته
الام
وده مزعلك فى ايه اهو بيجى يونسنا يوم ويرجع ، والله انا بيتهيألى انهم متفقين على كده
الاب
امال انا زعلان ليه
الام
عشان جواز ايمان وتبكى هى الاخرى
يدخل مدحت
مدحت
يا ساتر ايه المحزنه ديه ، في ايه
الاب
زعلانين على اختك اللى مش عارفه تتجوز
مدحت
يادى النكد
الام
آدى اللى بناخده منك
فى القهوة
صاحبه
عايز اشترى عربيه صغيره
مدحت
عربيه ياه دانتا فالت بقى
صاحبه
مع انى شايف عربيات غاليه وزيرو ماليه البلد ، ازاى ؟
مدحت
مش عارف ، اصل احنا صنفنا اللى عنده عربيه انه فى رفاهيه
صاحبه
اى عربيه
مدحت
اى عربيه
صاحبه
زى ديه مثلا ويشاور على عربيه تعبانه
مدحت
حتى ديه ، عايز عربيه زيرو ولا مستعمل
صاحبه
لأ جديده يعنى مثلا يابانى ارخص حاجه
مدحت
اقل حاجه 100000 الف
صاحبه
ليه ديه فى اليابان ب 70 الف بس خلاص خلاص هات لى نفسها اللى متقفله هنا
مدحت
ماهيه ديه المتقفله هنا
صاحبه
اذا كانت متصنعه فى اليابان والعماله غاليه ب 70000 يبقى المتقفله هنا تبقى ارخص يعنى مثلا ب 50000 ،
مدحت
انت عايز ايه انت هتصدعنى خلاص هيه ب 50 وهيسرقوا منك 50 غلبتنى معاك احنا حراميه عايز حاجه اه اه احنا حراميه
صاحبه
خلاص ابعت اجيبها من بره
مدحت
برضه هتدفعهم جمارك
صاحبه
احسن ما تاخدوهم سرقه
مدحت
يا بنى غلبتنى اقولك انت ترجع استراليا تدور على الكانجرو ولا السلالات النادره اللى بتقول عليه احسن

امام بيت الجيران
ايمان
ايوه ازيك ، طنط موجودة ،
لأ
طب ممكن شوية ليمون
ابن الجيران
مفيش ، ممكن تروحى تلعبى بعيد يا شاطره
ايمان
اروح العب بعيد ، شكرا
ويرزع الباب فى وشها

فى القهوه
صاحبه
انا محتار عندى مصالح كتير فى مصر وف نفس الوقت مقدرش اسيب ابحاثى فى استراليا
مدحت
ما تسيبهاش ليه هتتخطف
صاحبه
انت هتهزر
مدحت
بقرفشك شويه ، وبعدين مفيش غير حلين ، يا تستغنى عن ابحاثك فى استراليا ، او تقفل مصالحك هنا وتركز فى استراليا
صاحبه
عندك حق مفيش غير كده وبعدين عايز اتجوز انا مش صغير
طب ما تتجوز ، معندكوش بنات فى استراليا
صاحبه
البنات كتير ، بس انا عايز واحده من مصر وتكون متربيه فى مصر ، بس مش زى اللى خبطها فى الشارع ، عشان كده اعتقد انها لازم تكون معرفه ، يعنى من بيت اعرفه
مدحت
بس تلاقيك عايز واحده صاروخ
صاحبه
ابدا انا عايز اللى تعيش وتربى ولادى

على السلم
منى
صاحبك ده اكبر منك
مدحت
ايوه عندك اعتراض اكبر منى وبيعزنى جدا ولما ينزل مصر اول واحد يتصل بيا هوه
منى
انا سمعتك وانت بتقوله الحل فى مشكلته ، برافو عليك عبقرى
مدحت
مش عاجبك ولا ايه
منى
طبعا حلول ساذجه ، ما قلتلوش ليه ان فى بنات كتير على النت ، مش هوه برده بيدخل على النت
مدحت
نفسى اعرف انت عايزه ايه

فى البيت
الاب
انت رايح فين
مدحت
رايح شركة كبيرة هاشتغل فى المبيعات
الاب
شركة اسمها ايه عشان اكلملك عبد الفتاح بيه
مدحت
بص يابابا هيه الشغلانه مش مضمونه قوى سيبها يمكن تبوظ لوحدها
الاب
طب استنى انا نازل اوصلك
مدحت
ابوس ايدك يا بابا ما توصلنيش انا تعبت قوى من توصيلك ليا

فى محل
الشارى 1
امشى ياد انجر من هنا
مدحت
ياد دنا بتهزأ بقى
الشارى 1
بقولك امشى لحسن امرمطك
مدحت
انت راجل مش محترم

فى محل
الشارى 2
ايه ده يابنى ده بخمسين جنيه
شارى 2
انت اتجننت يا بنى احنا لاقيين ناكل

مكتب مدير المبيعات
مدحت
انا مش هاشتغل الشغلانه ديه دى قلة قيمه وكل اللى بيشتغلوها بهايم ومتخلفين

يحرج المدير فهو يمتهن المهنه ويقول
المدير
خد بالك انا بشتغل الشغله ديه
مدحت
اه اه بس انت حاجه تانيه انا اسف اسف

فى الشارع
مصطفى
عندك حق هتشتغل بياع وانت مهندس
مدحت
مش كده
مصطفى
اسيبك
مدحت
بتجرى كده ليه
مصطفى
هاشوف اللمبى
مدحت
انت مش شفته كتير قبل كده
مصطفى
مشفتوش غير 19 مره
مدحت
تسعة عشر مره بس اه ليك حق يالله نروح نشوفه

على السلم
منى
مش تنشف شويه
مدحت
فى ايه عايزه ايه
منى
ايه يعنى لما تاخدلك كلمتين ، طبيعة عملك كده ، وبعدين فين الشغله اللى مافيهاش قرف من حد والمبيعات بالذات مستقبلها حلو وشغله فيها تحدى
مدحت
انا عايز اعرف انت بتعرفى الكلام ده منين
منى
اهوه باعرفه وخلاص

وتنزل مسرعه فتعلق جيبتها فى درابزن السلم وتنكشف ساقيها
مدحت
ها ها حوشى اللى وقع منك
منى
ادى اللى انتو فالحين فيه وتحرر الجيب وتنزل

فى البيت
الام
لازم تعمل حاجه بص اخوك
مدحت
مين اللى عمل فيك كده ، قول اتخانقت مع قطر
الاخ الصغير
لا لا محدش عمل حاجه انا بس كنت بجيب عيش
مدحت
وجبت
الاخ الصغير
لا
الام
انزل انت جيب
مدحت
ماشى
الام
انت نازل من غير ميكون معاك سلاح

امام فرن العيش

هجوم وتدور معركه حقيقيه امام فرن العيش

فى الشارع
مصطفى
بص انا جايبلك عربيه لقطه
مدحت
ايه هديه
مصطفى
هدية ايه هوه انا لاقى اكل
مدحت
امال اشتريها، انت مش شايف اللى انا فيه انت متخلف عقليا
مصطفى
اسمع بس دى اولا موديل 55 يعنى لسه مش قديمه قوى ماعملتش غير 33 عمره بس
مصطفى
وبحالة الفابريكة تقريبا يعنى ماعملتش غير 20 حادثه 13 منهماتقلبت العربيه وبقت عجينه بس وهتتخدم فيها
مدحت
اخدمنى انت وابعدنى عنها

فى البيت
مدحت
وديه مين دى كمان اللى بعته ال e mail ده وادى صورتها
مدحت
واو اهى دى بقى ملكة جمال ، اهى بقت اون لاين
مدحت
سنك اد ايه لحسن انا واخد مقلب قبل كده
يارا
متخفش نفس سنك
مدحت
ومفيش عيال
يارا
برده زيك
مدحت
نتفابل
يارا
ماشى

امام بيت الجيران
ايمان
ايوه ازيك ، طنط موجودة ، طب ممكن شوية ملح
ابن الجيران
ملح لا مفيش
ايمان
طب فلفل
ابن الجيران
مفيش
ايمان
طيب ايه اللى عندك ممكن نستلفه
ينظر لها باشمئزاز
ايمان
طب خد نمرة الموبايل ديه عشان لو جبتوا ملح تبقوا
ابن الجيران
ايه بتقولى ايه
ايمان
لا ولا حاجه
وهى نازله على السلم
ايمان
هوه بيعاكسنى ولا ايه

فى الكوفى شوب

يدخل الكافيتريا ويبحث عن الصورة اللى بيشوفها على النت ويرى شاب يضحك بهستيريا ويوجه الكلام اليه

يتردد وينظر خلفه ظنا انه يشاور لاخر
فتى النت
ايوه ايوه هو انا انا ها أأأأأأأأأأهأ هى انا انا يارا
مدحت
يارا يخرب بيتك انت منهم
فتى النت
لأ احترم نفسك هأ هأ هأ ها
مدحت
انت بتضحك على ايه انت اهبل ولا ايه
فتى النت
ايوه اهبل هأ هأ هىييييء ها ها
مدحت
يخرب بيتك ركز شويه انت عملت كده ليه
فتى النت
مش عارف هأ هأ هىييييء ها ها
مدحت
لاااااا ده انت مريض نفسيا
فتى النت
بقلك قرب ودانك قوى
مدحت
ليه
فتى النت
بس قرب
فتى النت
بصوت منخفض : لو كنت لقيت يارا كنت عملت ايه ، هأ هأ هىييييء ها ها
مدحت
انا ماشى كدك نيله وانت اهبل
فتى النت
مع السلامه ما تقطعش الجوابات ويستمر فى الضحك الهستيرى

فى الشارع
مصطفى
طلعت راجل ها ها ها
مدحت
انت شمتان فيا كدك خيبه يعنى انت عارف منى زكى ، قولى يا مصطفى انت خت الدبلوم ازاى
مصطفى
بالغش طبعا امال انت فاكر ايه
مدحت
مصطفى انت صحيح ابن خالتى ، بس ابعد عنى ابوس ايدك
مصطفى
لا يمكن اسيبك فى الظروف ديه
مدحت
ظروف ايه يابنى ، مش عارف حاسس ان انا لوخلصت منك كل مشاكلى هتتحل

على السلم
منى
بتحب راجل وتضحك
مدحت
وانت عرفتى منين يادى الفضايح
منى
خد بالك المره الجايه ، ليكون هوه اللى بيدور على عروسه
مدحت
قصدك ايه

فى البيت
الاب
انت رايح فين
مدحت
انا رايح لصاحب دار نشر
الاب
قلى اسمه ايه عشان اكلملك عبد الفتاح بيه

فى الشارع
الاب
ياللا زق زق وما ترغيش كتير

فى دار النشر
المحرر
خيال علمى بتألف خيال علمى
مدحت
ايوه
المحرر
طب ايه رايك ان فى مصر الخيالى العلمى هوه انك تألف خيال علمى
مدحت
طب اعمل ايه
المحرر
بص انا هاديك موضوع حلو تالفه وتظبطه
المحرر
شوية شباب زى العسل بيروحوا شرم الشيخ ويطلعوا سفارى ومعاهم بنات حلوه
المحرر
يطلع شاب يعاكسها يقوم صاحبها ضاربه علقه ، ويقولوا ملكش دعوه بالمزه بتاعتى
المحرر
وبعدين رئيس العصابه يظهر
مدحت
ظهر امتى ده
المحرر
الله امال انت هتعمل ايه اصبر بس
المحرر
يقولهم هتساعدونى والا هافضحكوا
مدحت
يفضحهم ازاى هوه مسك عليهم ايه
المحرر
تانى امال انت هاتعمل ايه
المحرر
المهم هيساعده شويه لغاية ميعرفوا انه يهودى يقوموا يمسكوا علم مصر
مدحت
ايوه ويغنوا الحلم ده حلمنا
المحرر
شفت الجمال شفت الحلاوه ووطنيه وكله
مدحت
انا اسف انا معرفش اعمل الكلام ده
المحرر
ليه
مدحت
لان ده خيال علمى

على السلم
منى
عملت ايه يا حضرة المؤلف العبقرى
مدحت
معملتش حاجه عايزه ايه
منى
يعنى كلامك كويس عند المحرر ده ، بس انا قريت بعض من اللى انت كاتبه ، ده هذيان يا بنى
مدحت
هذيان ، انت بالنسبه ليكى ، وانت ايش فهمك فى التأليفوبعدين انت قريتى الحاجات دى ليه ، ومين ادهالك
منى
وانت زعلان ليه ، مش انت بتكتب للناس ولا بتتكتب لنفسك
مدحت
لا باكتب للناس بس ما احبش حد يقرا اللى باكتبه ، اقصد لما اسمحلهم ، انا ماشى صدعتينى

فى البيت
الاخ الكبير
مش ممكن اللى بيحصل ده ، دى ست غريبه جدا
الام
عادى هيه كده مراتك بس انت مش واخد بالك
مدحت
انا رايح لوحدى الاول اقابل باباها ولو لقيت الموضوع ماشى هحدد معاد وتيجوا معايا

عند الخطيبه
ابو الخطيبه
احنا مش هنكتر عليك احنا عايزين

ويطلع ورقه من جيبه
مدحت
هوه حضرتك هتذيع النشره
ابو الخطيبه
شبكه 30000
والد الخطيبه
مهر 60000
والد الخطيبه
شقه 400000
والد الخطيبه
عفش 50000
والد الخطيبه
اجهزة 30000
والد الخطيبه
فرح 60000
والد الخطيبه
شهر عسل 60000
والد الخطيبه
عربيه 150000
والد الخطيبه
رصيد فى البنك 250000
ابو الخطيبه
يعنى قول مليون وشويه ، عشان خطرك انت بس همشيها مليون
مدحت
بسيطه جدا جدا وليه مليون ده رقم هايف جدا
ام الخطيبه
اعمله تخفيض يا ابو عاليه
مدحت
هيه معايا واقفه جنبى وهتتحداكم كلكم اندهولها ويتخيل
عاليه
هوه ده اللى انا اخترنه ولا يمكن هاستغنى عنه مهما حصل وهاتجوزه يعنى هتجوزه مهما كانت امكانياته

تاتى الخطيبه فى الواقع
مدحت
قولى لهم ياللا اتفضليييييييييييى
عاليه
انت اهبل يا بنى ولا ايه انا اللى قايللاهم على الطلبات ديه ،،،،،
مدحت
شفتو ايه بتقولى ايه

يخرج تعيسا من العمارة ويقابل مصطفى
مصطفى
خلاص اتجوزت
مدحت
اتجوزت ، ابعد ، ابعد ، عن وشى

على السلم
منى
تعيش وتاخد غيرها
مدحت
انت شمتانا فيه ولا ايه
منى
بالعكس انت صعبان عليا
مدحت
لا مصعبش عليكى
منى
سلام سلام

فى البيت
الاب
انت رايح فين
مدحت
رايح الواد البايظ اللى اسمه منجره بيقول عايزنى فى شغل
الاب
اكلملك عبد الفتاح بيه
مدحت
انا نازل
الاب
طب استنى انا نازل اوصلك
مدحت
لأ شكرا انا اتهد حيلى
الاب
خلاص تعالى ساعدنى الاول وبعدين امشى براحتك

فى الشارع
الاب
ياللا زق زق وما ترغيش كتير

عند منجرة
منجرة
انت شفت الفيلم اللى محمد صبحى دخل فيه كلية الاجرام الكلام ده واكعى
مدحت
واكعى
منجرة
وتتخرج تلاقى شغلانه مضمونه
مدحت
بس ده مش حرام
منجرة
حرام ايه باقولك تعليم وجامعه تقولى حرام طيب ده فى ناس مدخلتش المعهد ومتالقه وموهوبه
مدحت
معهد ايه انت بتتكلم عن التمثيل
منجرة
لأ عن السرقه ، انت مش مركز
مدحت
مين دول
منجرة
الموظفين الكبار والمسئولين ، ده فى منهم ناس متخصصه ومحققه ارقام قياسيه الى عدى الرقم القياس واللى عمل مليارات هما دول مثلنا الاعلى
مدحت
لا لا مينفعش
منجرة
ليه مش عاجبك ممكن تغير اختصاصك ممكن تشتغل نصاب تجيب بضاعه مضروبه وتغير التكت ، شغلانه فى المضمون
مدحت
لا مش هينفع
منجرة
مش عاجبينك ولا ايه
مدحت
لا اصل انا سقطت فى امتحانات القدرات بتاعة الحراميه

فى الشارع
مصطفى
بس شغلانه دخلها عالى
مدحت
انت اهبل ولا عبيط هيه السرقه بقت مهنه
مصطفى
مش بتقول الراجل قالك ليها تعليم
مدحت
باقولك ابعد عنى

فى البيت
مدحت
فين بابا
الام
عند الميكانيكى بيصلح العربيه

على السلم
منى
ايه مش هتشتغل حرامى
مدحت
انا نفس افهم انتى بتعرفى الكلام ده امتى
منى
صدفه
مدحت
انا مش طايقك
منى
صعبان عليا
مدحت
لأ ما يصعبش عليكى غالى

امام بيت الجيران
ايمان
ايوه ازيك ، طنط موجودة ،
ابن الجيران
انتى تانى انت مبتزهقيش
ايمان
طب ممكن شوية دم
ابن الجيران
دم
ايمان
قصدى ملح
ابن الجيران
مفيش
ايمان
طب شوية احساس
ينظر لها باشمئزاز
ايمان
يااخى حس بيا
ابن الجيران
ايه بتقولى ايه
ايمان
لا ولا حاجه
وهى نازله على السلم وتبكى وتراها منى
منى
كفايه كفايه يا ايمان انا شقتك قبل كده كتير
ايمان
طب اعمل ايه وهوه زى اللوح
منى
مترميش نفسك قوى كده عليه ، وبعدين اسمعى يا ايمان اولا لازم انتى تكونى انت
ايمان
مش فاهمه
منى
يعنى كل حاجه بتعمليها تبقى ايمان اللى بتعملها ماتبقاش واحدة تانيه
ايمان
ولا لو انى مفهمتش قوى وايه تانى
منى
ولا حاجه خلاص ،
ايمان
خلاص ازاى ومشكلتى الازليه
منى
ازلية ايه ، ولا حاجه متفكريش فيها خالص ، اعتبرى نفسك من دلوقتى عنستى
ايمان
عنست ، طب بعد اذنك
منى
ما تزعليش ،استنى بس ، خلى ليكى نشاط وهوايات عشان تكونى موجوده ، وشيلى موضوع الجواز من دماغك

فى البيت
مدحت
فين بابا
الام
عند الميكانيكى بيصلح العربيه
الاخ الكبير
سبت لها البيت
الام
هيه مشكله انا عارفه ولا يهمك

فى البيت امام النت
مدحت
انت ارمله
فتاة الموساد
لا انا مش متجوزه
مدحت
سنك فوق الاربعين
فتاة الموساد
لا ايه اللى جرالك لا انا عشرين سنه ،
مدحت
اصل انا واخد بمب جامد قوى
فتاة الموساد
بص انا هاركب الكاميرا وتشوفنى لايف بس عشان تتطمن ما تقولش عليا كده ولا كده
مدحت
ماشى
مدحت
يا خبر يا خبر يخرب عقلك ايه ده انا مضطر اقفل الكاميرا لحد يدخل عليا
فتاة الموساد
ليه عادى ايه المشكله
مدحت
مشكله هوه انتى يابنتى لابسه حاجه فين بقيت هدومك
فتاة الموساد
احنا كده
مدحت
احنا كده مين ويغلق شاشة الصورة
مدحت
هابقى اكلمك من السايبر

يغلق النت
مدحت
هيه ديه البنت المناسبه ليا

على السلم
منى
صباح الخير
مدحت
اهو صباح عايزه ايه
منى
مش عايزه حاجه يا ساتر
مدحت
ارحمينى انت كل شويه تتطلعيلى عايزه منى ايه
منى
انت عبيط ولا شكلك كده هوه انا بايره ولا مش لاقيه عرسان وبعدين انا مبفكرش فى الجواز دلوقتى وانت مش فى دماغى
منى
انا هنصحك نصيحه لوجه الله
مدحت
انت هتنصحينى اتقى الله فيا
منى
ايوه انصحك
مدحت
طب قولى يا فالحه
منى
اتجوز
مدحت
روحى روحى انا ماشى باينك اتجننتى
منى
اصبر بس اسمع كلامى
مدحت
هوه الجواز لعبه ماالناس كلها عايزه تتجوز ، اتجوز ازاى فين الشقه وفين مصاريف الجواز وقبل ده كله فين الشغل ولا اتجوز وانا عاطل
منى
وايه تانى
مدحت
وايه تانى ايه ومالك واثقه قوى كده ، ده غير الاختيار المناسب واديكى شايفه المقالب والرفض اللى بترفضه
منى
دى بالذات محلوله
مدحت
دى محلوله طب واللى قبلها
منى
واللى يقلك الحل ،
مدحت
انت عايزه ايه ، ايه الحل من سيربح المليون ، اه عرفت افتح خزن
منى
سلام روح كلم بنات النت بتوعك

فى البيت امام النت
مدحت
ممكن نتقابل
فتاة الموساد
ليه ،
مدحت
لأ انا غرضى شريف وما بحبش الانحراف ، قبل كده واحده حاولت ومعرفتش، هنتعرف ولو اتفاهمنا هنتجوز
فتاة الموساد
فكره بس فى مشكله انا مش فى مصر
مدحت
فين فى اسكندريه
فتاة الموساد
لأ
مدحت
اسماعيليه
فتاة الموساد
لأ
مدحت
تبقى فى بورسعيد
فتاة الموساد
لأ ،،،اصبر بس
مدحت
مش مشكله انتى من قبلى ، عادى مفيش مشاكل ابوكى صعيدى اجدع ناس
فتاة الموساد
يا بنى اصبر
مدحت
خلاص تبقى من المنصورة
فتاة الموساد
لأ مش من المنصورة
مدحت
امال فين
فتاة الموساد
فى اسرائيل
مدحت
لا بسيطه بسيطه ، فين اسرائيل بتعملى ايه هناك بتصيفى
فتاة الموساد
انا مولوده هنا وشغلى هنا
مدحت
بتشتغلى فين
فتاة الموساد
فى الموساد
مدحت
فى الموساد لا لا بسيطه جدا دى عقوبتها عاديه ما بتزيدش عن اعدام الحمد لله

فى البيت
مدحت
فين بابا
الام
عند الميكانيكى بيصلح العربيه

فى المسجد
مدحت
يارب انا مش عارف راسى من رجلى ساعدنى يارب الاقى نفسى ، واختى تتجوز والاقى شغلانه ووظيفه

ويخرج من باب المسجد ويقابل منى
منى
تقبل الله
مدحت
منا ومنكم عايزه ايه
منى
ابدا معديه صدفه
مدحت
برضه هتقولى صدفه ، وعايزه ايه كنت بصلى فى الجامع
منى
مش عايزه حاجه بالعكس انا مبسوطه عشان شفتك خارج من الجامع

فى الشارع
مدحت
تخيل على طول فى طريقى وبتقولى ان عندها حل لكل مشاكلى
مصطفى
وعرفت منها الحل
مدحت
حل ايه انا مش طايقها وبعدين حل ايه مفيش معجزات فى زمانا ده ولا يكون معاها خاتم سليمان
مصطفى
طب اروحلها انا
مدحت
يادى الهبل يادى الهبل

داخل منزل منى
منى
ياه اول مرة تجينى من نفسك
مدحت
مرة من نفسك
منى
بالعكس انا ميفرقش معايا
مدحت
انا حلمت بيك امبارح
منى
احترم نفسك
مدحت
لا متفهمنيش غلط انا شوفتك اتضايقت وقلتلك ايه اللى جابك ، قولتى لى صدفه حتى فى الحلم
منى
طيب انت عايز ايه دلوقتى
مدحت
انت كنت مره اتخطبت فى نافوخك وقلتيلى اتجوز وعندى الحل
منى
تدفع كام
مدحت
جنيه ونص
منى
هاتتجوز
مدحت
والشغل
منى
ماله
مدحت
انا كل يوم فى شغلانه مفيش حاجه ثابته
منى
ومين اللى قال ان فيه حاجه ثابته ممكن تفضل كده طول عمرك
مدحت
طب ومين اللى هترضى بيا
منى
كتير بس انت احول بتختار غلط يا اما اوهام على النت او عاليه اللى الناس كلها عارفه غباءها وماديتها ماعدا انت اعمى
مدحت
طب افرض اتعطلت وبقيت من غير شغل فى اى لحظه
منى
دور على غيره واتعب ، وثابر مش تقول دى متعبه ودى قليلة القيمه
مدحت
مش سهله قوى كده
منى
طب هاقولك على حاجه وانت اضبش
مدحت
احنا هنلبخ ولا ايه
منى
فاكر الحلين اياهم ياعبقرى االى قلتهم لصاحبك
مدحت
مالهوم دول
منى
بقى هما حلين بس ، ليه متقولوش انت ركز فى ابحاثك وانا هنا هاديرلك مصالحك ،
مدحت
طب والشقه
منى
مش العمارة دى بتاعتكو
مدحت
هاها ها ايوه دى عمارة بتجيب 100 جنيه ايجار وابويا على المعاش
منى
يا باشمهندس ركز معايا ، انت مش زمان وانت فى الكليه قلتلى انها تستحمل دور كمان
مدحت
صح بس البنا غالى جدا
منى
على راحتك انشاءالله تعملها اخف حاجه دانت مهندس يا مهندس
مدحت
ايوه ، طب انت لو عارفه ده عنى ممكن تتجوزينى
منى
انا قلتلك الحل ، باى ، على فكره ممكن تاخد العربيه اللى قالك عليها مصطفى بشرط تكون بتمشى ، وعلى فكره صاحبها مش عايز كتير وبالتقسيط الممل
مدحت
استنى وكمان عارفه موضوع العربيه ،،،، طب واختى
منى
مالها اختك سيبوها فى حالها هيه خلاص مش عايزه تجوز ، ريح باباك وماماتك ، وبعدين صاحبك يقولك عايز عروسه معرفه تسكت ، يا راجل ، سلام

تتركه سرحان وتشتبك جيبها فى الدرابزين فلا يضحك هذه المره ويحاول مساعدتها فى افلاته وتبتسم وتتركه

فى مكتب السفريات
متحدث
شوف التذاكر عليك والتأشيره 13000 جنيه والمكتب بياخد راتب اول شهر
مدحت
بس كده يعنى اول سنه باشتغلها جدعنه
متحدث 1
ايوه وياريت تسامحنا فى مرتب السنه اللى بعدها
متحدث 2
ايوه والثالثه يدوبك تغطى مصاريفك
متحدث 1
الرابعه تتبرع بيها لكفيلك عشان ظروفه وحشه
متحد ث 2
الخامسه : لأ الخامسه تكون صحتك راحت ومعدتش قادر
مدحت
يا سلام شىء جميل

فى البيت
الاخ الكبير
سبت لها البيت
الام
هيه مشكله انا عارفه ولا يهمك ، خش ريح جوه
مدحت
فين بابا
الام
عند الميكانيكى بيصلح العربيه
مدحت
طب وايمان
الام
راحت تستلف شوية ملح
مدحت
تانى

امام بيت الجيران
ايمان
ايوه ازيك ، طنط موجودة ،
ابن الجيران
لأ
ايمان
طب ممكن شوية ملح
ابن الجيران
ملح لا مفيش
ايمان
مفيش طب خد انت شوية الملوخيه دول
وتغرقه فوق دماغه بوعاء ملىء بالملوخيه
ابن الجيران
ايه ده ، ايه ده
ايمان
قرفتنى يا شيخ الا ما فيه مره تنزلنى من عندكم مجبورة الخاطر

صوت طرق على باب الشقه
الام
اكيد والدك جه او ايمان

يفتح الباب ويدخل الاب ومعه احدهم ، ثم تدخل ايمان بسرعه الى داخل غرفتها
الاب
اتفضل اتفضل
مدحت
اهلا وسهلا مين حضرتك
الاب
ده عبد الفتاح بيه
صوت انفجار مدوى
مدحت
الحمد لله فجرت العربيه